勁嘆燒烤場

Open Now

Now Closed

天氣涼涼地，燒野食真係一流，星期日同幾個朋友一齊bbq，滿心期待呢度嘅重慶燒。呢個bbq場位置比較偏遠，建議自己開車，或者係錦上路站搭的士過黎。雖然星期日都唔算多人，不過建議打電話book位，好讓職員預備。每人送一罐飲品，如果揀支裝就要加5蚊。其實我地覺得有啲唔抵，不會罐裝飲品實在太細，所以無奈都要加。用黎重慶燒嘅食物本身已經穿好比我地，食物本身冇調味，係燒完另外自己再加調味粉，調味粉提供孜然粉、辣粉同椒鹽，不過我地都覺得啲粉唔夠香唔夠辣。基本上啲肉，蔬菜，丸類都係任食，蝦就限左一人一隻，菠蘿一人一塊，香蕉我地呢台就一條。呢度嘅魚，茄子，牛舌，牛肉，花枝丸都不錯，其他都係正常味道。用黎重慶燒嘅炭可以用3個鐘，中途唔洗加炭，燒完就岩岩好3個鐘。要留意一開始個火會好猛，燒野食動作都要快手啲避免燒焦，之後個火慢慢細，其實都幾好玩。無論係我地攞嘢還是book位，職員態度都係比較惡，唯獨是服務態度麻麻。價錢方面開一個爐$60，另外每人$178，唔怕遠路的話可以一試，但我比較鍾意平時用燒烤叉燒嘅bbq場。