冰雪公主 (Closed)

終於到了星期五，放工後 一大班舊同事去食飯。 佢哋班友真係好鬼悶次次食飯離不開荃灣，冇辦法啦睇下有冇咩新餐廳好食嘅。之後就比我搵到依一間新開嘅冰雪公主，啲人嘅評語都唔錯又有意粉食， 一班為食既人又去試新野。 門口嘅位置見到有啲放左係到既蛋糕比人買。選擇都幾多喎！睇完個餐牌之後，甜品為主嘅。意粉嘅選擇唔係話好多，但有個全日早餐。全日早餐而家開到成行成市，四圍嘅餐廳都有得食，所以就決定試試呢到嘅全日早餐好唔好食啦。當個全日早餐上到嚟嘅時候， 我都幾欣賞因為個份量都幾多，望落去都將好。多士整得脆，三文魚同菜好夠新鮮，蛋好香滑，玉米好甜，而其他嘅都唔錯。另叫左海洋檸檬梳打，士多啤梨芭菲，個嘢飲個味道唔係話好甜，梳打味就真係好重，職員話藍色嗰啲係餐廳特製嘅糖漿，杯野又真係幾好味而且又幾靚。另外同條友仔叫左個士多啤梨芭菲share， 幾多俾你有揀得幾好係好甜唔酸。芭菲比較淡味，岩我唔鍾意食甜野嘅人。 底下有啲麥片直到最後都依然可以脆。 利害利害。