漁舍酸菜魚 (Closed)

北角匯太多餐廳我都想食，一星期食一間都有排食😜今晚去左呢間位於一樓既漁舍酸菜魚專家食中菜，餐廳環境好光猛，空間感十足💯店家非常細心地照顧埋客人唔食得辣既需要，推出左椰香bb鴿同胡椒豬肚雞鍋，我地今晚一次過試哂呢兩款😘椰香bb鴿: 即叫即炸既bb鴿上到枱仲熱辣辣，聞落好香椰子味，肉厚又夠juicy，好想再encore多一隻，伴碟仲有印尼蝦片，店員仲會比對膠手套你唔驚整污糟對手，非常貼心既加分位胡椒豬肚雞鍋: 用左大量紅棗同杞子調味，湯底濃郁飲多幾碗都唔口渴，個湯夠哂入味，飲湯又得，加配料打邊爐亦得，除左酸菜魚之外推介大家要試下呢個鍋😋漁川晚市小菜賣相同味道都好好，價錢又好親民，下次要試埋佢地既招牌酸菜魚先得🥰