Video
Read full review
2017-09-09
491 views
一家人黎食放題，有bb就廢事去太遠，近近地係元朗食啦，黎左緣聚，雖然要落樓梯，但店內有間房，地方較大，連bb車都放得落。好多野都想食喎，第一round由阿媽拍板，寫寫寫，點左刺身同壽司先啦😋飲品可以寫紙點奶茶咖啡檸茶之類，仲有清酒梅酒，另外亦有罐裝飲品，啤酒等自助，十分多元化。先來的蟹籽沙律，意外地唔係青瓜絲，而係沙律菜，加了麻醬同蛋黃醬好好味喎。刺身，第一round先每樣點六片，賣相幾靚，魚生厚切，全部都好新鮮，三文魚肥美，吞拿魚無筋，螺肉爽脆，帶子鮮甜，比起上次黎食水準高左。一口氣點了九件的三文魚反卷，飯卷入面包著牛油果，蟹柳，甜蛋同青瓜，飯軟綿，細細件剛好一啖一件，幾正。火灸壽司系列，點了三文魚，鰻魚，同蝦，三文魚迫哂啲魚油出黎好甘香，鰻魚甜甜的，蝦很爽。旁邊仲放左幾件花之戀，蛋黃醬真係好好味呀。芝士焗蠔同蒜蓉焗蠔，芝士蛋汁調味得很好，蠔雖然細size但都幾肥，蒜蓉都好味，但太濃味，蓋過哂啲蠔味，兩者比較，芝士更勝一籌。非食不可的蟹粥，極！鮮！甜！！除了蟹，還加了不少海鮮同煮，隨手撈撈，看到有帶子裙邊，象拔蚌，魚片等，可能係刺身的頭頭尾尾，但攞黎煲粥又無浪費，仲令到啲粥更重海鮮味
好多野都想食喎，第一round由阿媽拍板，寫寫寫，點左刺身同壽司先啦😋
飲品可以寫紙點奶茶咖啡檸茶之類，仲有清酒梅酒，另外亦有罐裝飲品，啤酒等自助，十分多元化。
先來的蟹籽沙律，意外地唔係青瓜絲，而係沙律菜，加了麻醬同蛋黃醬好好味喎。
刺身，第一round先每樣點六片，賣相幾靚，魚生厚切，全部都好新鮮，三文魚肥美，吞拿魚無筋，螺肉爽脆，帶子鮮甜，比起上次黎食水準高左。
一口氣點了九件的三文魚反卷，飯卷入面包著牛油果，蟹柳，甜蛋同青瓜，飯軟綿，細細件剛好一啖一件，幾正。
火灸壽司系列，點了三文魚，鰻魚，同蝦，三文魚迫哂啲魚油出黎好甘香，鰻魚甜甜的，蝦很爽。旁邊仲放左幾件花之戀，蛋黃醬真係好好味呀。
芝士焗蠔同蒜蓉焗蠔，芝士蛋汁調味得很好，蠔雖然細size但都幾肥，蒜蓉都好味，但太濃味，蓋過哂啲蠔味，兩者比較，芝士更勝一籌。
非食不可的蟹粥，極！鮮！甜！！除了蟹，還加了不少海鮮同煮，隨手撈撈，看到有帶子裙邊，象拔蚌，魚片等，可能係刺身的頭頭尾尾，但攞黎煲粥又無浪費，仲令到啲粥更重海鮮味👍👍
炒蜆也是很正，辣辣地好惹味，蜆又無沙，抵讚。
食飽飽後整返支榴槤雪條先，唔使特登去泰國，馬來西亞買手信啦😘其他甜品仲有勁多野揀，大腳板，藍戰士，牛奶冰冰，樂天系列雪條都有，雪糕杯，甜筒，豆腐花，啫喱杯，乳酪，泡芙，蛋糕仔等等，真係應有盡有，作為一個甜品控，雪條都食左幾支，哈哈。同家人食心情特別好，食得好滿足，捧住個肚行返出去嘞。
Post
