Video
Read full review
2011-05-09
103 views
之前去呢間酒店食野做左Facebook會員，見到話出左新主題Buffet，當然要試一試啦。餐廳個場其實都算幾大，不過一人多就要排長隊拎野食。今次主題以蝦蟹為主，未食之前行左一個圈睇下有咩新野食，發覺真係多左幾多之前未見過item！話明海鮮自助餐，當然主力食冷盤先啦，雪花蟹腳當然要食多幾隻啦，蟹肉夠爽甜多汁，正！ 跟住就要試唐金尼斯螃蟹，呢種蟹我真係未喺Buffet試過，見佢咁多肉，我就唔客氣拎左幾隻蟹鉗番去試，食落去啖啖肉，真係必食推介！ 其餘冷盤仲有瀨尿蝦、青口同大頭蝦等等，不過我留肚食其他野，朋友仔就話海鮮普遍都幾新鮮。不得不提嘅係特色壽司，竟然有玻璃蝦軍艦壽司同雪場蟹腳肉捧壽司，我地四個人忍唔住食左十幾件，正！ 熱盤方面就多D其他海鮮試，個人最鍾意宮爆鳳尾蝦、肉腸海蝦伴西班牙飯同酥炸軟殼蟹，總體黎講海鮮煮得啱啱好，亦都夠入味，不過酥炸軟殼蟹就有少少油膩，口感差少少。其他熱盤就有煎朧脷柳、清蒸海上鮮、香菇燴雞、燴牛仔骨同煎鴨胸等等，個人覺得選擇都ok啦。自助餐當然留肚食甜品啦，睇個樣都幾得，最好食就係草莓果凍卷，蛋糕裡面有士多啤梨啫利，口感一流，忍唔住食左幾件！跟住士多啤梨拿破崙、
之前去呢間酒店食野做左Facebook會員，見到話出左新主題Buffet，當然要試一試啦。餐廳個場其實都算幾大，不過一人多就要排長隊拎野食。今次主題以蝦蟹為主，未食之前行左一個圈睇下有咩新野食，發覺真係多左幾多之前未見過item！
話明海鮮自助餐，當然主力食冷盤先啦，雪花蟹腳當然要食多幾隻啦，蟹肉夠爽甜多汁，正！ 跟住就要試唐金尼斯螃蟹，呢種蟹我真係未喺Buffet試過，見佢咁多肉，我就唔客氣拎左幾隻蟹鉗番去試，食落去啖啖肉，真係必食推介！ 其餘冷盤仲有瀨尿蝦、青口同大頭蝦等等，不過我留肚食其他野，朋友仔就話海鮮普遍都幾新鮮。不得不提嘅係特色壽司，竟然有玻璃蝦軍艦壽司同雪場蟹腳肉捧壽司，我地四個人忍唔住食左十幾件，正！
熱盤方面就多D其他海鮮試，個人最鍾意宮爆鳳尾蝦、肉腸海蝦伴西班牙飯同酥炸軟殼蟹，總體黎講海鮮煮得啱啱好，亦都夠入味，不過酥炸軟殼蟹就有少少油膩，口感差少少。其他熱盤就有煎朧脷柳、清蒸海上鮮、香菇燴雞、燴牛仔骨同煎鴨胸等等，個人覺得選擇都ok啦。
自助餐當然留肚食甜品啦，睇個樣都幾得，最好食就係草莓果凍卷，蛋糕裡面有士多啤梨啫利，口感一流，忍唔住食左幾件！跟住士多啤梨拿破崙、三色朱古力奶凍同六層草莓餅都唔錯，反而D芝士餅同麵飽布甸就唔算特別，只係加左D士多啤梨醬落去。仲有唔可以唔食嘅當然係Dreyer’s同Haagen Dazs雪糕啦！回本必食，有幾隻口味，食食下buffet已經見到人地幾杯幾杯咁拎去食，我地當然唔執輸拎在幾杯食啦！
總體黎講今次buffet嘅野食同之前真係有d唔同左，尤其係冷盤同壽司都多左d款色揀，Download埋coupon埋單三百幾，絕對食得過！Post
