Video
Read full review
2021-06-22
865 views
由於飯腳轉左係大埔番工，所以我都變左固定每個星期五去大埔覓食。夏天太熱唔想行太遠，所以偏向係鐵路站附近搵餐廳，太和邨對面街有各式各樣既餐廳，而且質素唔錯，價錢合理，已經成為我經常去既地方。今次係收藏名單內揀左呢間西餐小店，晚餐價錢都唔過百，沙律菜、意粉、飯、肉，任君選擇。我係食肉獸，所以點左個香煎百里香厚切豬扒伴薯菜，友人就點左個餐廳聲稱係「必食」既自家厚切吉列豬扒滑蛋飯。香煎百里香厚切豬扒伴薯菜 $88完全無欺場，豬扒有1吋厚。用煎既烹調手法，呢個厚度既豬扒肉質唔算好乾好韌，加上豬扒有少少油脂，所以有D位食落會覺得幾香同幾淋。夏威夷芥未醬，蘋果味好濃，帶點酸，個人覺得個味調得唔錯。沙律菜個汁好似係乳酪味，酸酸甜甜，好開胃。薯條就完全唔掂，應該炸完放左一段時間，唔熱之餘，仲一D都唔脆，淋哂，無口感亦無薯味。自家厚切吉列豬扒滑蛋飯拼日式咖哩汁 $98呢個飯上枱果陣，見到個黃到發金既滑蛋，真係引死人!! 唔知係咪自己食完豬扒，完全食唔到蛋香，有點失望。吉列豬扒都夠厚，不過炸得真係好乾，肉質唔韌，但好鞋，我同友人對呢個 「必食」推介真係大失所望。咖哩汁內有洋蔥絲，偏杰身，未道OK，係鹹左少少
今次係收藏名單內揀左呢間西餐小店，晚餐價錢都唔過百，沙律菜、意粉、飯、肉，任君選擇。
我係食肉獸，所以點左個香煎百里香厚切豬扒伴薯菜，友人就點左個餐廳聲稱係「必食」既自家厚切吉列豬扒滑蛋飯。
香煎百里香厚切豬扒伴薯菜 $88
香煎百里香厚切豬扒伴薯菜
$88
28 views
0 likes
0 comments
香煎百里香厚切豬扒伴薯菜
$88
17 views
0 likes
0 comments
完全無欺場，豬扒有1吋厚。用煎既烹調手法，呢個厚度既豬扒肉質唔算好乾好韌，加上豬扒有少少油脂，所以有D位食落會覺得幾香同幾淋。
夏威夷芥未醬，蘋果味好濃，帶點酸，個人覺得個味調得唔錯。
沙律菜個汁好似係乳酪味，酸酸甜甜，好開胃。
薯條就完全唔掂，應該炸完放左一段時間，唔熱之餘，仲一D都唔脆，淋哂，無口感亦無薯味。
自家厚切吉列豬扒滑蛋飯拼日式咖哩汁 $98
呢個飯上枱果陣，見到個黃到發金既滑蛋，真係引死人!! 唔知係咪自己食完豬扒，完全食唔到蛋香，有點失望。
吉列豬扒都夠厚，不過炸得真係好乾，肉質唔韌，但好鞋，我同友人對呢個 「必食」推介真係大失所望。
咖哩汁內有洋蔥絲，偏杰身，未道OK，係鹹左少少。
吉列魷魚圈 $48
吉列魷魚圈
$48
21 views
0 likes
0 comments
呢個小食新鮮炸出黎，熱辣辣，炸得夠乾身，唔會好油。友人話魷魚唔錯，有魷魚香，但我個人就覺得有少少韌。
小食配左個香蒜蛋黃醬，內有好多生蒜，蒜味好出，本身蒜同海鮮係好夾，但可惜個醬好膩，無沙律醬或他他醬既酸甜味，鹹味亦太輕，只有蒜味，攪到食完個魷魚圈，滯到乜都唔想食。
餐廳可坐20人左右，未到7點已經滿座，應該有一定吸引力。不過，當日食物質素一般，吸引唔到我黎第二次。🤔
Post
