西宮 (Closed)

當日為了慶祝其中一位朋友生日，大家都商量去邊度食飯，當中有位朋友提議食buffet,又唔想出到九龍咁遠，有朋友提議去西宮食，聽講佢哋依家轉咗做全buffet,而且仲有85折添，於是我哋就浩浩蕩蕩咁衝上去。上當去果然唔同咗，因為我上個月同朋友試過，雖然食物同價錢都幾好，但食完之後都好似欠缺d嘢，就係冇甜品食，因為佢哋係做semi buffet 要叫set先有甜品，我哋又冇order set,所以冇甜品食，我哋當時都有同佢哋d staff 反映，佢哋話會遲d轉為full buffet,果時會有埋甜品添。果晚去到仲有我最鐘意嘅三文魚同翡翠螺，佢哋嘅翡翠螺真係好鮮味，我試過其他地方就算酒店入面都食唔到。佢到仲加多咗d熟食，其中一款芝士焗生蠔簡直有d驚喜。生蠔面頭有一層香濃嘅芝士，食落去又唔會蓋過蠔嘅鮮味，唔錯！佢就仲加多了燒牛肉（因為我唔食牛肉所以冇試到）不過我d朋友都話味道幾好。甜品都有幾多選擇,我最鍾意係流心芒果布甸,布甸放係一隻細杯入面，份量啱啱好，布甸食落去仲有d芒果槳流岀囄，口感唔錯。我哋果睌對食物同service都幾滿意，其中一個waiter係我哋埋單時候都有問我哋意見，值得一讚。