民華餐廳

Open Now

Now Closed

平時都黎開民華食野，有時食下 lunch，有時就一支公食晚餐。早排覺得民華個質素麻麻地，今日食完想幫佢有個小平反。今日照舊係叫常餐，搭多左個西多。今日佢個蕃茄湯，少左茄膏味，有番重少少蕃茄味，應該個湯底落嘅蕃茄足料左。另外個太陽蛋有驚喜！我知一般茶餐廳叫太陽蛋可以比各式各樣嘅蛋比你：熟蛋又有、半煎半炒又有、有d就上到碟漏黃嘅。但係呢度叫太陽蛋真係比太陽蛋你。蛋邊微微煎香，蛋黃仍然保存得好好！至於個西多，中規中矩啦。呢度有得揀用煉奶定糖漿，我又怕煉奶怪，揀左糖漿，食落又好似無咩特別咁。下次可以試試用煉奶會係點。