釜之魂釜飯專門店 (淘大商場) (Closed)

一直都聽講呢度嘅鰻魚釜飯好食，今日特登黎試。店面好大而且好整潔，入面仲有好多位，所以坐得好舒服，而且都唔駛等位。入到去未叫野食就上左湯同前菜，前菜係辣芽菜，醒胃又香口。等左唔夠5分鐘鰻魚飯就黎啦。個賣相好靚，條鰻魚好大條，睇落有光澤，令人食指大動。第一啖鰻魚入口，好香而且唔咸，啲肉好滑，配埋飯食好搭。最特別係釜飯有飯焦，入口香脆，好有口感，好推介！！飲品叫左蘋果蜜，唔會話好甜，入口清新，配咸甜嘅鰻魚啱啱好！