Coti (沙咀道)

Open Now

Now Closed

我細細個住喺荃灣，紗廠係工業區，我一直以為附近只有工廠食堂。行完荃灣紗廠，朋友仔話帶我去附近cafe 食晏。出返沙咀道頭就見到座靚商廈Octagon 。入門口就見到我成日食嘅餐廳Coti 原來係度開咗間小咖啡店小店只有十二個位，但座得唔迫。食晏時間都幾多人買外賣返工司食。除咗一般咖啡，佢仲有多款特色咖啡飲品。咖啡店午餐一般只有沙律/包類，估唔到佢仲有蒲燒鰻魚滑蛋飯，同日式紅酒燉牛肉，依D要有大廚房整嘅菜式。午餐包一般咖啡，推薦咖啡就外加$24。見座得幾舒服就加錢要咗棉花糖泡泡咖啡，同玫瑰鮮奶咖啡，決定食完晏座底慢慢傾下之後聖誕安排。第一個上嘅係蒲燒鰻魚滑蛋飯，鰻魚加滑蛋份量好大，另一邊仲有份簡單沙津菜。女仔一個人未必食得曬。跟住日式紅酒燉牛肉就到啦，大大件燉牛肉，入口即化，配燉菜有日式甜香味。最後嘅特色咖啡都到齊。棉花糖泡泡咖啡，有兩粒燒過嘅大棉花糖浮面，因為奶泡唔係好熱，所以唔似熱朱古力上面嘅棉花糖咁會溶咗落飲品。玫瑰鮮奶咖啡，奶泡量係飲品嘅三分二，好彩我鍾意食泡泡。