淥鼎記

Open Now

Now Closed

近排天氣開始轉涼，嗱嗱臨同friend去打個邊爐先。坐低冇耐侍應就擺低咗一盤四款嘅前菜俾我哋食住先，最鍾意係無骨白雲鳳爪同埋台式小香腸。飲品除咗有常見嘅紙包茶同汽水外，呢度有幾款自家製嘅飲品，水果茶仲真係有啲水果浸住，真材實料。呢間有幾款唔同嘅主食可以揀，今次就揀咗酸菜魚食。一碟份量都幾多好足料，嗌咗小辣唔算好辣易入口，食完仲有陣陣麻香。魚片大大舊好滑好入味，萵筍吸收了湯底的精華好脆好爽口。底部仲有啲寬粉，咬落好煙靭有口感。食完就可以轉食打邊爐，我哋今次揀咗豬骨湯。湯底嘅材料都好豐富，淨係豬骨都有三舊，每舊都同拳頭差唔多大，味道好濃郁。牛肉最鍾意食門封柳，牛肉香濃肉質有少少煙韌有口感。外面自助區仲有四十多款嘅食材任料，每款都有蓋蓋全安全又衛生，食物質素都唔錯。另外仲有圍裙提供夠曬貼心。