Video
Read full review
2021-10-10
2167 views
星期日好晏先食早餐,自然就會skip lunch,所以就特登去搵下午茶食吓啦,行到北角同天后之間嘅蜆殼街,一早好想食"九份飽",今日終於唔使排隊就可以食到。滿心歡喜,充滿期待咁叫咗個百香果茶同海苔肉鬆起司蛋餅。店員仲好貼心問我熱百香果茶係咪三分甜,因為我就咁寫咗少甜,點知嗰杯三分甜嘅茶係好甜(我嘅感覺),忍唔住問店員係咪已經唔記得咗三分甜,竟然話已經三分咗,我好意外!咁十分甜咪好甜好甜囉!唯有叫店員畀杯熱水我溝稀佢好快就上埋個海苔肉鬆起司餅,一心諗住有蛋,又有起司(芝士),一定好正…點知冇蛋味,又食唔到芝士,只能夠填飽個肚囉。總的來說$55下午茶,只可以叫做ok。不過,我仍然會畀多一次機會佢,因為佢啲裝修好有台灣feel,同埋其他食評都好好,下次食吓鹵肉飯,米粉同芋圓…希望下次唔會令我失望啦!
滿心歡喜,充滿期待咁叫咗個百香果茶同海苔肉鬆起司蛋餅。店員仲好貼心問我熱百香果茶係咪三分甜,因為我就咁寫咗少甜,點知嗰杯三分甜嘅茶係好甜(我嘅感覺),忍唔住問店員係咪已經唔記得咗三分甜,竟然話已經三分咗,我好意外!咁十分甜咪好甜好甜囉!唯有叫店員畀杯熱水我溝稀佢
好快就上埋個海苔肉鬆起司餅,一心諗住有蛋,又有起司(芝士),一定好正…點知冇蛋味,又食唔到芝士,只能夠填飽個肚囉。
總的來說$55下午茶,只可以叫做ok。不過,我仍然會畀多一次機會佢,因為佢啲裝修好有台灣feel,同埋其他食評都好好,下次食吓鹵肉飯,米粉同芋圓…希望下次唔會令我失望啦!
Post
