雲壽司 (Closed)

近年Omakase非常盛行，但唔想餐餐都食到太貴，其實都有平民化選擇嘅～雲壽司呢幾年開到中環、太子、銅鑼灣，方便市區唔同地點嘅食客。剛好喺太子工作完畢，就6點多入餐廳食飯，好彩有位！到左7點就陸陸續續好多人想入來食飯喇。 當晚試左個二人餐 $680 ，簡簡單單唔駛諗😋真係好唔錯喔！ 🍅🥗前菜有超fresh嘅番茄沙律 🦐味噌湯：有落蝦鬚好鮮甜👍🏻 🍣😍壽司6點:上排：辣味帶子、日本海膽、火炙左口魚下排：赤蝦、油甘魚、拖羅每樣都好新鮮，最愛拖羅！好肥美油香四溢😉辣味帶子用上秘製辣汁，但其實只算微微微辣～ 刺身：牡丹蝦、深海池魚，配埋磯煮鮑魚，完全感受到返左去日本嘅感覺😍 最後就有兩個迷你丼飯：蔥吞拿魚、鰻魚飯（用料新鮮唔會有腥味，好感動！）食完就剛剛好飽曬～有唔會頂住個胃，食物份量點到即止，呢個就係我欣賞日本菜嘅地方之一。餐廳與時並進，可以靜靜地用手機落單，當然都可以同店員溝通啦～值得讚賞嘅，係師傅都有偶爾問問食物質素如何，感受到佢地真誠嘅待客之道。😇座位二人一組，適合情侶/想親密D嘅食客。