FRITES Belgium on Tap (西九匯)

Open Now

Now Closed

今日突然之間好想食青口，當然嚟到呢一間食青口好出名嘅餐廳，大角咀呢一間距離奧運地鐵站嘅距離都可以話非常之近，完全唔需要經過任何室內嘅地方就可以直接去到。呢一間餐廳夜晚嘅時候又或者係日光嘅時候個感覺都非常之chill，亦會成日見到好多外國人喺度happy hour。今次除咗嗌咗佢哋最經典嘅青口之外都嗌咗佢哋嘅牛扒薯條。經典青口加咗白酒入去住，每一粒青口都好香好索汁，最鍾意係佢隔籬嗰個孫總麵包，點埋啲汁食真係一流。而牛扒薯條就麻麻哋，主要係因為佢塊牛扒個調味有啲寡，所以下次都係帶返正常一塊塊嘅牛扒比較好，不過成個餐廳嘅氣氛都非常之悠閒同埋歡樂，希望下次可以試到佢哋其他嘅飲品同菜式。