Spark Bar & Restaurant (Closed)

今晚同朋友去完置地廣場睇聖誕燈飾就順便食晚餐，搵到呢間係藝穗會隔離的Spart Bar&restaurant, 環境舒適，就入黎試下。入到黎就見到有個Live band 台，原來餐廳每星期都定期搞live band 表演，可以一邊食野一邊欣賞。一坐低，職員就送上自家制餐包，鬆軟夠熱，有清淡蕃茄味。飲品就叫咗杯Mocktail 夜幕天星， $78,有香濃的橙香味，冰凍可口，入口香味散發。Cuttlefish, $198, 魷魚加配多款海鮮，魷魚肉質好爽脆鮮甜，帶有淡淡的海水味，伴有海膽，三文魚籽，海帶等一齊食，味道口感層次豐富，最特別係富有空氣感的泡泡，質感好幼身，入口即溶。Carbonara, $178, 通粉質感煙韌爽口，奶香味同芝士味濃，撈勻後蛋黃同海膽的鮮甜滲入當中。Iberico pork, $388,黑毛豬肉厚身嫩滑，煮得剛好熟，入味油脂味散發，豬肉味濃郁，醬汁惹味入味。