Video
Read full review
2021-07-20
21 views
平時都好少黎呢邊，今日朋友話黎食好野，就同佢黎呢邊食下野吹水。黎到呢到第一樣野就緊係叫啤酒，呢個健力士黑啤既味道都幾濃，而且咖啡味好重，配串燒好夾。 之後就叫左d燒物食下，呢個煙肉大啡菇燒得唔錯，唔會太熟太老。而最特別既一定要講一講煙肉。呢間食店既煙肉好足料，係用原片厚身煙肉而唔係一般食店既薄煙肉，食落比一般食店既有口感，而且煙肉既味道亦更加濃郁，再同大啡菇夾埋一齊，一啖可以食哂兩種味道。紐西蘭羊架既份量好足，大大隻，食落啖啖肉。羊既調味亦做得唔錯，不過可能因為比較鍾意濃味既嘢食，個人認為羊羶味可以再重少少。 呢個芝士煙肉燒生蠔既份量好足，每隻蠔都大大隻，而且味道亦好濃郁，如果係鍾意食蠔既可以試下。而芝士同煙肉既份量亦好足，味道濃郁。 食一口牛最怕牛肉太熟或者太生，但呢個芥末一口牛就整得非常好。一口牛唔會生，但又燒得好腍，口感甘香，配埋調味過既芥末，好滋味。 食串燒真係一定要食燒韮菜，韮菜既獨特香味配埋辛辣既孜然粉，又開胃又惹味。而呢度既燒韮菜調味調得啱啱好，值得推介。 本身以為炭燒豬頸肉係一碟上，點知原來係一串。豬頸肉好大塊，要不斷摺起先可以用一枝竹枝串起，好足料。而豬頸肉亦燒得好
平時都好少黎呢邊，今日朋友話黎食好野，就同佢黎呢邊食下野吹水。
黎到呢到第一樣野就緊係叫啤酒，呢個健力士黑啤既味道都幾濃，而且咖啡味好重，配串燒好夾。
之後就叫左d燒物食下，呢個煙肉大啡菇燒得唔錯，唔會太熟太老。而最特別既一定要講一講煙肉。呢間食店既煙肉好足料，係用原片厚身煙肉而唔係一般食店既薄煙肉，食落比一般食店既有口感，而且煙肉既味道亦更加濃郁，再同大啡菇夾埋一齊，一啖可以食哂兩種味道。紐西蘭羊架既份量好足，大大隻，食落啖啖肉。羊既調味亦做得唔錯，不過可能因為比較鍾意濃味既嘢食，個人認為羊羶味可以再重少少。
呢個芝士煙肉燒生蠔既份量好足，每隻蠔都大大隻，而且味道亦好濃郁，如果係鍾意食蠔既可以試下。而芝士同煙肉既份量亦好足，味道濃郁。
食一口牛最怕牛肉太熟或者太生，但呢個芥末一口牛就整得非常好。一口牛唔會生，但又燒得好腍，口感甘香，配埋調味過既芥末，好滋味。
食串燒真係一定要食燒韮菜，韮菜既獨特香味配埋辛辣既孜然粉，又開胃又惹味。而呢度既燒韮菜調味調得啱啱好，值得推介。
本身以為炭燒豬頸肉係一碟上，點知原來係一串。豬頸肉好大塊，要不斷摺起先可以用一枝竹枝串起，好足料。而豬頸肉亦燒得好好，燒到外層有少少脆，加上入面既甘香好好食。不過豬頸肉肥既部位都多，如果係減緊肥既朋友可能可以試下其他菜式。
本身仲諗緊豬扒咁大塊，食起上嚟會唔方便。但呢個鹽燒豬扒好貼心，係用薄切，而且已經預先切開一片片，食落好方便。而豬扒既肉質亦好腍，醃得幾好。
Post
