北海道爐端燒 (Closed)

朋友生日特意提早預訂呢間日本餐廳慶祝去到好full 店員預留中間位置比我地雖然係星期三但好爆場既一晚 好彩提早訂位朋友好中意食海鮮同刺身 就簡單點左幾款食首先叫一隻鹽燒大蝦 足足有手板咁大隻，啖啖爽肉 口感彈牙 再加上咸咸地既鹽味 特出燒既香味正之後黎個北海道甲羅燒我的最愛 蟹膏同蛋撈埋食 又香又開胃 唔捨得幾啖食哂 要慢慢食 感受到有蟹肉蟹子蟹柳集於一身之後食個黑芝麻汁煙肉沙律朋友好中意食，好香芝麻汁味 番茄又甜 蔬菜新鮮正 再黎係芥辣八爪魚小食好多芝麻 加上芥末好香 八爪魚又滑又爽主食叫左三文魚魚子飯份量唔多唔小 兩個人每人一碗岩岩好另一主食係豬骨湯拉麵香濃既豬骨湯底 加埋豚肉紫菜粟米 成碗都好好味 面既軟度岩岩好 唔會好林 有啲咬口唔錯最後小食為明太子蛋捲 正啊蛋卷入面有勁多明太子熱辣辣岩岩整起 蛋又香又軟 夾埋大大啖明太子 正！！呢到食野性價比幾高 食物質素都唔錯可以encore