Video
Read full review
2009-02-09
38 views
好耐冇寫食評。次次食完影埋都唔得閒寫。不過返來香港都半年，食來食去都係屋企附近，已經食憤左，已經覺得冇乜特別。新年紅色假完左，係時候搵班friend出來聚舊。本來打算去貴d既酒店食buffet，不過有人話唔抵，另一個又話新年時食得好飽。結果左稔右稔，有friend提議咦度。見過食評唔差，價錢都ok，就決定來試下。因為掛住傾計，仲要餵個小朋友食野，結果反而自己食得唔多。不過樣樣既質素都唔錯，有d仲幾有水準:1.冷盤-- 只食左龍蝦仔同翡翠螺，唔錯喎，細細隻龍蝦仔都幾甜，螺就幾大隻亦新鮮。仲有青口同蝦，不過冇試。2.頭盤-- 個海鮮沙律杯真係唔錯， 必食之選。煙三文魚幾好喎，好香煙燻味，可以話好過好多大酒店。讚!! 壽司就一般啦，不過最好既係唔會俾人整到成盤都係，食到完場時仲好新鮮好完整(因為只顧同人講野，好尾先食佢) 其實仲有好多，不過食唔完，我個人覺得最差係個豆腐，佢加左d辣醬係面，唉...多此一舉。3. 熱盤-- 雖然唔係話好多盤，成張枱好似得12盤左右，不過勝在樣樣都在水準或以上，而且唔會重複，食完一盤立即換另一個菜，所以成晚大大話話都
新年紅色假完左，係時候搵班friend出來聚舊。本來打算去貴d既酒店食buffet，不過有人話唔抵，另一個又話新年時食得好飽。結果左稔右稔，有friend提議咦度。見過食評唔差，價錢都ok，就決定來試下。
因為掛住傾計，仲要餵個小朋友食野，結果反而自己食得唔多。不過樣樣既質素都唔錯，有d仲幾有水準:
1.冷盤-- 只食左龍蝦仔同翡翠螺，唔錯喎，細細隻龍蝦仔都幾甜，螺就幾大隻亦新鮮。仲有青口同蝦，不過冇試。
2.頭盤-- 個海鮮沙律杯真係唔錯， 必食之選。煙三文魚幾好喎，好香煙燻味，可以話好過好多大酒店。讚!! 壽司就一般啦，不過最好既係唔會俾人整到成盤都係，食到完場時仲好新鮮好完整(因為只顧同人講野，好尾先食佢)
其實仲有好多，不過食唔完，我個人覺得最差係個豆腐，佢加左d辣醬係面，唉...多此一舉。
3. 熱盤-- 雖然唔係話好多盤，成張枱好似得12盤左右，不過勝在樣樣都在水準或以上，而且唔會重複，食完一盤立即換另一個菜，所以成晚大大話話都出左成18-20熱盤。如果有屋企人唔好冷盤都唔怕佢冇野食。另外佢有一煲咖哩雞，可以配椰香飯、薄餅or"算"蓉飽。三樣都幾好食，個咖哩雞唔會辣，因為佢落左好多蕃茄，所以怕辣既都可以試下。
個人覺得最好食既係燴茄子(唔記得個名), 串燒(唔知係咩嚟架，外表好似好硬，不過又唔會喎，有d似食軟身d既牛肉乾，不過好好味)，炸魚柳(唔鯹，配tartar sauce仲好好味)同日式炒飯(我個麻煩寶貝仔竟然食曬就知個飯唔差)
4.主菜-- 有烤牛仔肉同羊架。本人冇時間食，不過個friend食完話牛仔肉唔得, 不過羊架就好好味。
5.甜品-- 選擇唔多，不過都唔錯喎。有旦散....係, 係旦散，唔係鬧緊人。唔好睇佢好似咁普通，好好食喎，唔會太甜，香香脆脆。正!!。因為時間關係，佢亦唔係好多款cake俾我試，不過個迷你蛋卷同個迷你cheese cake真係唔錯另外有兩煲糖水: 紅豆 同紫米，個紫米好香，食落ok。仲有朱古力噴泉俾你玩，可以沾士多卑利同棉花糖，我個仔食左好多個呢。當然仲有雪糕啦。
6. 其他-- 烤牛肉羊架隔離有檔粉麵，冇食到不過好想試，有肥牛、丸、水餃等俾你選。另外見d friend像湯(有中西兩樣湯)同麵包，d麵包好似好軟咁喎。
菜式好過好多酒店buffet，但價錢實惠。唯獨可能我地人多左少少，安排中間位真係有點嘈。d waitress 同waiter好好服務tim，我一入來，佢見我有個bb，即刻夾左盤jelly俾佢。我地傾計傾到成10點幾11點，d客都走曬都冇人騷擾我地趕我地走，反而係我地自己唔好意思攬到人地收唔到野。一直到走佢地都好好禮貌。翻來香港食野，最好禮貌係今次囖。
埋單4個人以上有85折，抵!! 決定阿媽生日時再去過。下次book定個梳化窗口位。
Post