吟彩 (Closed)

最近約朋友係灣仔想食個好d的lunch，佢就話去吟彩，上網見佢地價錢適中，亦有幾多午餐款式選擇。朋友book了位，唔港等，坐甜品櫃對面張枱，望倒d甜品都幾別緻。餐牌有講每個餐有咩食，好似有蒸蛋、關東煮、刺身、主菜、飯等。每個菜名都好吸引，好想試，最後我同朋友就揀牛燒肉飯同蔥拖羅魚蓉三文魚子飯兩款一齊食。牛燒肉飯成個飯面都係牛肉，好足料！鋪滿的牛肉切成件狀，比一般其他餐廳食到的片狀質感更充實，口感一流。面頭加白芝麻好香，另外飯入面加的汁，微微甜味令牛肉食落冇咁油，廚師調個汁真係唔錯呀！最後我成碗都食晒！而我朋友夏天唔中意食熱野，就叫了蔥拖羅魚蓉三文魚子飯，顏色鮮艷的大大碗飯一上枱令人心情都更好幾開心。拖羅魚蓉同三文魚子好新鮮，成個set加埋其他5、6樣沙律、關東煮、麵豉湯等，價錢真係抵，加90蚊可以追加日本海膽，的確海膽真係令人抗拒唔倒，大大啖海膽放入口，味道濃郁又鮮甜，太滿足啦！仲有天婦羅餐、鰻魚飯同埋西京燒都好吸引，如果多幾個朋友一齊黎就可以試多d款式，可惜今次得兩個人！另外坐得都舒服又唔會限住食幾耐，味就都幾好，對佢地印象都唔錯，會再光顧！