Home Sweet Home (Closed)

今日想食好啲，搵咗間喺太子嘅西餐，開頭以為係普通西餐，但係食完之後覺得食物係超水準性價比高 適合慶祝生日或週年紀念我哋揀咗晚餐，晚餐大概200幾至500左右不等， 包前菜、主菜、甜品及飲品跟餐可以包白酒或紅酒，我哋試咗白酒， 白酒幾好飲，容易入口 另外我就嗌咗桂花水果茶，黎到非常之大壺，可以兩個人飲都得餐廳仲非常貼心，水果茶係不斷用火「慶」住嘅。果茶有火龍果、香橙、蘋果等， 味道清清地有桂花香前菜方面係黑魚子蟹肉他他， 整得非常精緻，味道剛剛好， 一啖咬落去充滿蟹肉，上面有啲黑魚子點綴，外面有青瓜包住，感覺氣清新前菜仲有個菠菜龍蝦湯，細細杯，一飲落去龍蝦味非常香濃， 充滿龍蝦鮮味，真係好好飲呀店員話本身係海鮮酥盒，但今日轉咗smoke吞拿魚 都好正!主菜有一個揀咗澳洲和牛牛柳配芝士焗龍蝦嗌咗三成熟，牛柳好淋好香牛味好香! 煎得啱啱好，真係好食食得出本身牛柳用料上乘另外芝士焗龍蝦亦都非常出色，面有好多芝士，龍蝦肉爽口，非常新鮮如果再大隻啲就好啦另外仲有其他配菜，擺盆非常精緻 真係美酒佳餚近睇睇下啲龍蝦肉幾多哈哈!另外一個主菜叫咗煎三文魚配大蝦， 三文魚煮得剛剛好，入面仲有少少粉紅色，好味