Video
Read full review
2015-07-29
881 views
去完韓國街買完野，出面又熱辣辣，就係附近商場搵食，友人一指神功話要食呢間，話貪佢裝修整潔，給人有衛生既印象。咁間野確實幾好坐。先黎小食啦~細的泰式拼盆，咩都有，份量十足。有鳳尾蝦春卷、魚餅、蝦餅，香葉包雞。春卷非常香脆可口，內蝦肉爽身，沾少許泰式甜酸醬，十分美味開胃。魚餅、蝦餅也不偷工減料，厚度十足(特登影多張相)，咬口十足，調味也很適中，個人覺得呢兩種唔沾醬都好好味。就係阿豬掛住影相之際，3隻香葉包雞被友人全包辦，佢話好好食，咁…都唔使一隻都唔留俾我架 食野之際，飲品都上枱了，我點左菠蘿梳打，真係好驚喜，有很多菠蘿果粒，梳打水是泰國的梳打水，玻璃瓶另外送上的，倒入杯中仍有一半留在玻璃瓶內，好抵飲。梳打清新配上菠蘿粒，更加美味。友人點了椰汁紅豆冰，夠冰凍甜，抱怨紅豆如果多d會更正(那個紅豆控)。活蝦刺身活蝦頗大隻，當我奇怪無另外上醬汁時，問店員，店員話已淋上店方的秘製醬汁，所以無須另外上醬汁，好好味架，快d試下啦！口氣好似氹緊小朋友咁，我和友人偷笑中！事實上，蒜片切成粒狀，蒜香更突出，蝦非常新鮮，配上已淋上的醬汁，入口香辣酸，令人眼前一亮，值得一提的是蝦非常新鮮，入口爽彈牙，也十分有膠
友人一指神功話要食呢間，話貪佢裝修整潔，給人有衛生既印象。咁間野確實幾好坐。
先黎小食啦~
細的泰式拼盆，咩都有，份量十足。
有鳳尾蝦春卷、魚餅、蝦餅，香葉包雞。春卷非常香脆可口，內蝦肉爽身，沾少許泰式甜酸醬，十分美味開胃。
魚餅、蝦餅也不偷工減料，厚度十足(特登影多張相)，咬口十足，調味也很適中，個人覺得呢兩種唔沾醬都好好味。就係阿豬掛住影相之際，3隻香葉包雞被友人全包辦，佢話好好食，咁…都唔使一隻都唔留俾我架
食野之際，飲品都上枱了，我點左菠蘿梳打，真係好驚喜，有很多菠蘿果粒，梳打水是泰國的梳打水，玻璃瓶另外送上的，倒入杯中仍有一半留在玻璃瓶內，好抵飲。梳打清新配上菠蘿粒，更加美味。
友人點了椰汁紅豆冰，夠冰凍甜，抱怨紅豆如果多d會更正(那個紅豆控)。
活蝦刺身活蝦頗大隻，當我奇怪無另外上醬汁時，問店員，店員話已淋上店方的秘製醬汁，所以無須另外上醬汁，好好味架，快d試下啦！口氣好似氹緊小朋友咁，我和友人偷笑中！
事實上，蒜片切成粒狀，蒜香更突出，蝦非常新鮮，配上已淋上的醬汁，入口香辣酸，令人眼前一亮，值得一提的是蝦非常新鮮，入口爽彈牙，也十分有膠質口感，實在很歡喜。惟個人覺得偏酸了一點。
泰式明爐烏頭鍋明爐烏頭鍋上枱，店員主動來說話幫我地將食物換成小碟，實在細心，值得一讚。
烏頭很大的一條，另送上一碗酸湯，店員說如鍋中唔夠水可加這個湯，或就咁飲都得。試左幾啖，個湯真係幾開胃。
烏頭鍋沒有落酸菜，反而有很多香菜類如芹菜，當堂香氣洋溢。
特別提醒，原來鍋中有粒酸梅，唔想個湯咁酸既話可以早點將粒梅夾出黎，我地就食到入面先發覺。
烏頭就是太大條，背部位有點 “鞋”口。
如個呢個鍋可以加d菇類落去一齊滾，應該幾好味，考慮下吧！
串燒大虎蝦大大隻，上枱已嗅到好香的燒烤味，蝦身很香很爽口。整體黎講，這一餐食得好滿足，不單是口腹之慾，更是滿足於服務。說真的，香港地，而家有錢都買唔到好既服務態度，所以今次對呢間餐廳真係好有驚喜。店員做事細心，留意客人所須，不會給人的感覺催促，內心之滿足更勝飽肚感！
我一定會再來，更之希望店家可保持水準！
Post
