青花亭 (Closed)

朋友L小姐生日，想試下青花亭。我一開始用open rice book 枱，之後再打電話問可唔可以系甜品上寫名同happy birthday,侍應好爽快話ok,甜品可以到時先揀。星期日到達太子地鐵站後用map搵路，由於好多交通燈同十字路口，有時睇錯地圖d直線同斜線，過錯馬路，好在同行朋友S小姐👍🏻對認路好在行，跟住路名就搵到了。入到去發現樓下坐滿人，好在有book枱，女侍應好有禮貌帶我地到上層。可能仲早，樓上竟然冇人，我地揀左角落位坐。我哋叫左以下食物：大蝦炒粉皮 - 粉皮同平時食ge上海粉皮唔同，比較厚身，醬汁系xo醬，好惹味。牛肋骨炒腸粉 - 牛肋骨煮得唔錯，夠淋易咬，腸粉有煎過，少少脆。西京燒比目魚 - 魚份量都多，不過個汁太甜，有d果味，我個人唔多慣，鍾意平時日式d西京燒多d。飲品 - 分別叫左咖啡，奶蓋普洱茶同奶蓋合桃，味道ok, 唔太甜，賣相精美。甜品 鹹濕阿伯大菠蘿 - 賣相靚，食落除左菠羅朱仲有少少鹹蛋黃味，幾特別。因為慶祝生日，所以碟上有慶祝字句同名，之後請侍應幫我地合照，侍應亦好態度同有禮。👍🏻