Video
Read full review
2016-07-04
2957 views
臨近父親節，阿爸話想去富臨食下小菜，咁就過咗觀廣15樓啦。去到門口嗰個只問一句：「小菜定火鍋啊？」咁我阿爸不嬲都覺得打邊爐好熱，咁我哋梗係二話不說答：「小菜喇！」入到去坐低左，咁我哋梗係即刻睇下個餐牌啦，離遠有個阿姐即刻行過嚟企係我哋將枱隔離。咁我哋諗住都未決定好，就同個阿姐講：「我哋睇多陣餐單先，轉頭再叫你過嚟啦！」點知個阿姐扮聽唔到，眼定定望住我地，隻腳仲好似痴咗膠水郁都冇郁過！搞到我地好尷尬。咁都算啦，我哋喺度睇緊餐單，個阿姐就係咁係隔離諸多意見，係咁sell我哋食套餐，我地三大一細，如果叫套餐最低消費都要嗌個四人餐，我地心諗：點食得落咁多😑 跟住見我哋冇反應，轉左sell我哋食生龍躉翅，話：「試唔試吓啊？今晚廚房最後一煲啦！」我又心諗，最後一煲先叫我地買黎食？唔係即叫即整咩？都唔知擺咗幾耐😒所以好決絕咁講咗「唔要。」跟住再睇下個小菜餐單，碟碟都同套餐入邊嘅餸差唔多！但入黎前又冇事先講明今日主要係食套餐，小菜係非常之少同好貴，焗住我哋要嗌餐食。果時已經有d炆，最後無奈地叫左個四人套餐。嘢食陸續來，先來左碟龍蝦伊面，但完全冇賣相😅都算了，一食落去先至成碟野係一早整定再翻煮~~~~~
入到去坐低左，咁我哋梗係即刻睇下個餐牌啦，離遠有個阿姐即刻行過嚟企係我哋將枱隔離。咁我哋諗住都未決定好，就同個阿姐講：「我哋睇多陣餐單先，轉頭再叫你過嚟啦！」點知個阿姐扮聽唔到，眼定定望住我地，隻腳仲好似痴咗膠水郁都冇郁過！搞到我地好尷尬。
咁都算啦，我哋喺度睇緊餐單，個阿姐就係咁係隔離諸多意見，係咁sell我哋食套餐，我地三大一細，如果叫套餐最低消費都要嗌個四人餐，我地心諗：點食得落咁多😑 跟住見我哋冇反應，轉左sell我哋食生龍躉翅，話：「試唔試吓啊？今晚廚房最後一煲啦！」我又心諗，最後一煲先叫我地買黎食？唔係即叫即整咩？都唔知擺咗幾耐😒所以好決絕咁講咗「唔要。」
跟住再睇下個小菜餐單，碟碟都同套餐入邊嘅餸差唔多！但入黎前又冇事先講明今日主要係食套餐，小菜係非常之少同好貴，焗住我哋要嗌餐食。
果時已經有d炆，最後無奈地叫左個四人套餐。嘢食陸續來，先來左碟龍蝦伊面，但完全冇賣相😅都算了，一食落去先至成碟野係一早整定再翻煮~~~~~唉！完全對間野失望！
到咗最尾係食壽包，咁細佬係唔食蓮蓉，諗住問下個阿姐可唔可以轉一個做奶黃，佢答我：「得，幫你轉！」
跟住到籠壽包嚟咗既時候，一打開4粒都係蓮蓉？！即刻好有禮貌咁問返樓面：「點解有粒唔係奶黃嘅？！明明應承咗架！」跟住佢話：「我哋廚房從來都冇奶黃架喎！」
我當時已經開始有少少黑面，同佢講你哋啲同事話有，依家又冇姐係點？」阿姐即刻冇聲出係咁同我地"沙淋"，又話：「嗰個人係做開早市，佢臨時轉左來幫晚市手，唔知夜晚套餐係無奶黃包架！」冇耐佢就轉個頭去左話個同事，搞到個同事無啦啦走過來同我地講：「唔好意思係我搞錯，我黎幫手做晚市架渣，唔知晚市係冇奶黃架。」但我哋聽完都廢事理佢，心諗快啲食完快啲走，冇下次再幫襯！😡
一句講曬：食左800幾蚊既垃圾套餐！
Post