NeNe Chicken (東港城) (Closed)

「Nene星級炸雞漢堡伴脆炸薯條」薯條正常，Burger個包烘得幾脆口，個醬汁都幾辣。「炸雞達人」七件唔同口味既無骨炸雞。見到有啲雞紅色醬、橙色粉……，侍應完全唔知啲雞係咩口味，餐牌亦冇寫。餐牌相同實物掙得幾遠下，例如餐牌相入面有兩件雞係舖滿大蔥之類既野，但實物完全冇呢樣野。圖中右下嗰件係勁辣，其他冇咁辣/唔辣，有咖哩、芝士、原味……其他食唔出係咩。「脆炸紫菜蝦卷」成個卷從外面既紫菜到入面既炸蝦都唔脆，甚至老土啲講句，可以話食蝦冇蝦味。「蘑菇炒粉絲」味道一般，以配料味道吊味，好多菇，好多蛋，仲有雲耳、蘿蔔絲……韓式粉絲但配料偏中式，有啲唔夾，粉絲炒得唔好，啲粉絲痴埋一住住。所有食物上桌都只係微暖。午餐餐牌上，漢堡同炸雞拼盤都冇辣椒仔既圖示，但餐牌上有其他餐點係有辣椒仔既圖示。服務方面，問侍應關於食物既問題，唔知道就靠估，亂答完就算。用餐期間仲曾經有一位女侍應彈跳式咁喺走廊跑過去同事堆度傾計。餐廳3點半清場，啲侍應好似完全唔知咁，3點25分先開始通知在場客人同出單。呢間炸雞係香港都開左一段時間，分店亦都有好幾間，但從餐牌、服務到食物味道質素都令人意想不到。