一本鐵板燒日本料理 (Closed)

幾年來經過無數次，今日終於的起心肝嘗試，點知食到一肚火。落單係好快，上菜就好慢。半個鐘摧一次，九個字摧一次，全場一齊摧摧摧。結果呢餐用咗一個鐘，但我食落肚嘅嘢就好少。最後頂唔順，cut單走人。壽司-老公話唔好味，無應有味道。燒三文魚骨-老公話正常嘢。沙嗲牛肉竹筒飯-不知所謂，完全唔知咩事，食咗兩啖停咗。日式菜湯-正常味精湯。串燒-份量少，乾過我荷包。鐵板帆立貝-有汁，有少少牛油味？但食唔到帆立貝味。拜拜，唔再見。