Video
Read full review
2017-05-10
513 views
請容許我打廣東話去表達, 書面語表達得唔夠貼切.話說今日同兩個朋友去呢間綠野仙踪食lunch, 我兩位朋友先到拎位, 而我後join, 待我到後我地一齊叫嘢食.之後有兩份嘢食剛剛到左未有5分鐘, 另有1份就仲未到, 突然有個短紅髮齊陰高高肥肥的中年女士 拎住張單, 一嘢掉低係我地檯面, 事情如下 : 短紅髮齊陰高高肥肥的中年女士 = 佢 ; 我 = 我佢 : 幫我埋左張單先.我 : 依, 但我地仲有1份嘢食未到.佢 : 得嫁喇, 好快到嫁喇, 你比左先啦!我 : 但仲有1份嘢食未到, 一陣有咩錯要改單甘咪好麻煩?佢 (開始有火, 語氣好重) : 會有咩錯? 我都企左係到啦, 你比左先啦!我 (開始嬲嬲地) : 你有無搞錯, 叫人比錢甘無禮貌, 嘢食未到又未食點解要埋左單先? 叫人比錢係甘既態度咩?佢 (即刻反駁) : up 左1輪 xyz.... 我 : 得喇, 你唔洗講, 你搵第2個過黎, 你好煩.佢 : 唔夠你煩呀.佢講完呢句之後行開左, 我即刻好嬲, 走左去同經理講, 之後既事下減數百字.其實我並不是第1次去呢間餐廳食嘢, 之前都係食完先比錢; 不過幾時比錢唔緊要, 還店都
話說今日同兩個朋友去呢間綠野仙踪食lunch, 我兩位朋友先到拎位, 而我後join, 待我到後我地一齊叫嘢食.
之後有兩份嘢食剛剛到左未有5分鐘, 另有1份就仲未到, 突然有個短紅髮齊陰高高肥肥的中年女士 拎住張單, 一嘢掉低係我地檯面, 事情如下 :
短紅髮齊陰高高肥肥的中年女士 = 佢 ; 我 = 我
佢 : 幫我埋左張單先.
我 : 依, 但我地仲有1份嘢食未到.
佢 : 得嫁喇, 好快到嫁喇, 你比左先啦!
我 : 但仲有1份嘢食未到, 一陣有咩錯要改單甘咪好麻煩?
佢 (開始有火, 語氣好重) : 會有咩錯? 我都企左係到啦, 你比左先啦!
我 (開始嬲嬲地) : 你有無搞錯, 叫人比錢甘無禮貌, 嘢食未到又未食點解要埋左單先? 叫人比錢係甘既態度咩?
佢 (即刻反駁) : up 左1輪 xyz....
我 : 得喇, 你唔洗講, 你搵第2個過黎, 你好煩.
佢 : 唔夠你煩呀.
佢講完呢句之後行開左, 我即刻好嬲, 走左去同經理講, 之後既事下減數百字.
其實我並不是第1次去呢間餐廳食嘢, 之前都係食完先比錢; 不過幾時比錢唔緊要, 還店都係要比, 早比遲比我地都OK, 但重點係嘢食未到齊就叫人比錢先, 仲要甘樣既態度, 果一下我真心好嬲, 比錢食飯仲要受甘大既氣.
之後我朋友講返話佢地拎位果時個中年女士已經係甘發牢騷, (唔知係咪因為我兩個朋友都講普通話), 拎位果時佢地想坐入面(因為有冷氣), 但個中年女士接待時要我兩位朋友一定要坐出面, 仲要係甘講一堆說話, 唔知講咩, 我兩位朋友唔識聽,
我覺得呢個係尊重既問題, 有D服務員成日話客人態度唔好, 但問心佢地自己又係咩態度?
點解要人尊重你既同時你唔識尊重人, 好地地同兩個好耐無見既朋友食餐飯但就比人噴到一面屁.認真呢一餐食完背脊骨落.!
Post