串噹噹

Open Now

Now Closed

考驗耐性嘅串燒好日唔去紅磡食飯，揀左呢間串燒，落單時服務員事先聲明因為外賣單多堂食串燒需等等30-45分鐘，OK，即燒串燒都明嘅。時光飛逝，45分鐘過去，獲得雞全翼4隻（買3送1），Size正常，肉質都仲嫩。又15分鐘後獲得原隻燒茄子，調味還好，但缺䓤花。由落單至今已70分鐘，再獲得四季豆及翠肉瓜。嘩！翠玉瓜有兩片咁多，真係多謝。本人耐性已到極限，要求取消餘下訂單，服務員都配合取消，最終消費$86獲得一肚氣，飽晒。一間有堂食嘅餐廳俾堂食嘅人無限等待，先招呼外賣單，真係大開眼界。