蓮苑 (Closed)

好早前已經見到這店門口放滿小丸子，因為我本身好鍾意去啲主題餐廳食，今日經開所以決定在這間食，地方唔大，但無咩人食，不用等位就有得坐，店內有兩張梳化位無人坐，但店員卻安排我哋坐中間路口位，我問可否坐梳化位，佢個樣好似唔想你坐梳化位咁，但最後我們都坐了，因為真係無人坐，店員放了張點餐紙及一塊花輪同學及一塊小丸子的紙牌放在枱上，睇張點餐紙，見唔到有小丸子系列的食物，心諗咁奇怪，於是問下職員，個職員話咪依度，原來果兩張花輪同學及小丸子紙牌就係餐牌，我仲以為係俾客人影相用而已，最後叫了燒汁茄子牛柳粒$98、瑤柱桂花炒蟹肉$128、野菌浸時菜$78其中兩個餸各加$10 轉套餐有白飯及餐飲，另外再各加$48加個燉湯，甜品叫了小丸子又有心事（心太軟）$88，不過叫時個職員話一個？嘜有規定要叫幾多個甜品㗎咩？真奇怪。。瑤柱桂花炒蟹肉超少蟹肉，搵咗好耐先見到。。收成$128好唔抵食，埋單時因為我部份用商場的k dollar俾錢，個職員扣咗我k dollars之後，叫我自己計要俾幾多餘額。。我話我自己計呀？佢先心算話，應該係咁多錢🙄，服務真係唔多好，價錢又唔係平，唔會再幫襯.