超級自助壽司店

Open Now

Now Closed

話說夜晚放工肚餓，平時經過此處知道開得比較夜，專登兜過黎食野，入去話兩人，一個肥阿姐安排我地坐低，我屁股都未貼到張櫈，另一個瘦阿姐以九秒九的速度飛埋黎話，尼張四人台黎架，去後面果張二人台啦。我明白香港餐廳細座位要善用，但使唔使去到咁極致？已經夜晚十一點幾，得三兩台客，驚爆場咩？再者，其它台都係坐四人台，連一個人都坐四人台，真係唔係好明點解要咁做，要安排我地去同人地搭台。最奇怪係跟住入黎的兩個客又安排坐那張四人台，感覺好受歧視。不過OK，FINE，香港人能屈能伸，我地坐低另一張台，叫左三文魚壽司，元貝壽司，玻璃蝦壽司，立魚壽司，三文魚刺身，三文魚手捲，跳舞蝦刺身。要稱讚這店的師傅刀工的確一流，可以將三文魚起到紙咁薄做三文魚壽司，元貝好似橡膠咁硬，食左eng胃，三文魚，玻璃蝦和立魚淡而無味。得跳舞蝦稍微正常，不是好，而是正常。極速食完餐宵夜，幾個阿姐阿伯係隔離圍住你張台，但又唔係做野，水又唔斟，總之感覺極差。有種強烈感覺他們只顧搵錢，完全唔理顧客感受，莫講話提供什麼服務。總之祝老板好運啦。不會有下次。