全日點喫茶店 (Closed)

一早預約左甜睡的小熊二人餐。因為賣相十分可愛，用黎同朋友慶生真係一流。6:45黎到，人流不太多。反正唔曹我就好~餐牌都十分可愛，牆上仲有多個日本名人既親筆簽名真蹟。先上台係加$10有隻熊仔既蜜桃紅茶! 原來個頭係糯米池! 下面係一層Cream! 味道就正常。我就叫左杯薑奶茶，只係微辣，好香滑同奶味好重，店員話唔岩口味可以同我換。服務真係一流。呢個雜菜湯D料好足，有成半碗紅蘿蔔同其他蔬菜，應該冇味精，所以味道偏淡而我接受到。我怕太飽所以只飲湯, 而朋友全部湯渣食曬。主角登場!!超可愛既小熊! 大家都唔捨得切開。左邊係沙律薯蛋小熊，中間係白飯，右邊係炸可樂餅。下面用蛋皮做左一張被，揭開係有4-5隻燒雞亦。蝴蝶結係火腿!手工好精美, 難怪要提早一日預定!配上日式咖哩薯仔汁俾你送飯。仲俾埋蜜糖你, 怕咖哩太辣! 好細心啊~~甜品係熊仔造型多士。耳仔係朱古力味餅乾~拌住蜜糖同肉桂味汁一齊食真係唔錯!因為朋友生日，要求的祝福語寫係張被上，而且又同我地影左張寶麗來送俾我地，真係好好既服務!下次會再來~~