Video
Read full review
2021-10-07
753 views
國慶假後星期日12人由大圍踩單車到大尾督🚲，因為天氣太熱大家都唔想BBQ，就決定坐車返大埔超級城食晚餐🍽️。去到商場間間餐廳都好多人等位，見Outback環境舒服闊落，坐到多人又可以慢慢食慢慢傾，就決定試試。7點去到餐廳門口要等位，唔算等得耐。因為限聚令要分兩張6人檯坐，餐廳職員好好人咁幫我地安排角落兩張連住既6人檯，方便我地傾計。Outback晚餐有2至4人既套餐，唔岩亦可以選擇散叫。我地6個人叫左兩個2人套餐再散叫左香煎黑椒日式黃鰭吞拿魚同美國頂級肉眼牛扒。美國頂級紐約牛扒拼龍蝦尾雙人套餐 ($675)黑糖麵包是日餐湯公司沙律美國帶子煙肉白汁燴飯美國頂級紐約牛扒拼加拿大龍蝦尾燒肉醬味豬肋骨拼燒雞雙人套餐 ($490)黑糖麵包是日餐湯公司沙律香草蕃茄海鮮意粉燒肉醬味豬肋骨拼燒半雞職員好快上左兩份黑糖麵包🥖俾我地充飢，鬆軟既黑糖麵包配上牛油好香，但為左留肚食其他野食，我地就無再叫多份啦! 當日既餐湯係蘑菇湯🥣，香味濃郁較為杰身。而公司沙律就好清新，醬汁係另上只有芝士碎調味🥗。美國帶子煙肉白汁燴飯燴飯份量不多，白汁味道不太突出，帶子鮮甜，味道不過不失。香草蕃茄海鮮意粉🍝意粉內海鮮有青口同蝦
Outback晚餐有2至4人既套餐，唔岩亦可以選擇散叫。我地6個人叫左兩個2人套餐再散叫左香煎黑椒日式黃鰭吞拿魚同美國頂級肉眼牛扒。
美國頂級紐約牛扒拼龍蝦尾雙人套餐 ($675)
黑糖麵包
是日餐湯
公司沙律
美國帶子煙肉白汁燴飯
美國頂級紐約牛扒拼加拿大龍蝦尾
燒肉醬味豬肋骨拼燒雞雙人套餐 ($490)
黑糖麵包
是日餐湯
公司沙律
香草蕃茄海鮮意粉
燒肉醬味豬肋骨拼燒半雞
職員好快上左兩份黑糖麵包🥖俾我地充飢，鬆軟既黑糖麵包配上牛油好香，但為左留肚食其他野食，我地就無再叫多份啦! 當日既餐湯係蘑菇湯🥣，香味濃郁較為杰身。而公司沙律就好清新，醬汁係另上只有芝士碎調味🥗。
美國帶子煙肉白汁燴飯
燴飯份量不多，白汁味道不太突出，帶子鮮甜，味道不過不失。
香草蕃茄海鮮意粉🍝
意粉內海鮮有青口同蝦，各有3至4隻。意粉灑上芝士碎配埋酸酸甜甜既蕃茄汁好開胃。
美國頂級紐約牛扒拼龍蝦尾🦞
牛扒點了5成熟，份量十足。簡單以海鹽同黑胡椒調味已經足夠，肉味濃郁肉質唔硬多汁。朋友極力推薦配鐵板上既生蒜一齊食，我個人就唔敢試啦! 龍蝦尾較少肉，龍蝦肉有嚼勁但比較痴殼，味道不過不失。
溫馨提示: 當初見牛扒係用鐵板上，以為熱力會令牛扒加熱至6-7成熟，為免肉質過老所以點了5成熟。可惜鐵板熱力唔夠，上檯時已經無再加熱牛扒，所以扒身中間有點血水。怕牛扒過生既朋友要留意啦!
燒肉醬味豬肋骨拼燒雞🍗
燒雞係半隻，都幾多肉食，燒得夠金黃，以香料調味，香味十足。招牌菜豬肋骨大家應該都唔陌生，燒肉醬甜甜地配上豬肋骨上既肉，十分惹味。
香煎黑椒日式黃鰭吞拿魚 ($128)
吞拿魚夠厚身，黑胡椒粒分佈得好平均，外層微煎，內層有刺身口感，食落好有層次，入口即化。
香煎黑椒日式黃鰭吞拿魚
56 views
0 likes
0 comments
美國頂級肉眼牛扒🥩拼楓蜜炸南瓜 ($498)
每客頂級特色牛扒都配餐湯/迷你沙律同一款特色配菜。特色配菜揀左楓蜜炸南瓜。
肉眼扒好厚身，但可能剛好筋位比較多，口感較硬。個人覺得套餐塊牛扒比較好食，而且CP值亦比較高。炸南瓜表面淋左楓蜜糖漿同埋白糖粉，甜味同南瓜好夾。南瓜表面炸的夠脆，外脆內軟，口感同味道都好好，十分推薦。
整體評價
餐廳環境舒適，適合多人聚餐，可以慢慢傾計食野。職員服務好好，不停加水收碟。食物質素都有中上，畢竟都係貴價晚餐。
Post
