慢煮工業 (Closed)

呢間舖頭服務態度太差，落單程序非常混亂。經OpenRice book 枱，入去完全無安排枱、只叫你是旦坐、坐咗又冇比Menu，等咗成10分鐘都冇人理。終於攞咗餐牌想落order原來要自己走去收銀機買、買完之後話俾我哋聽只係可以食90分鐘。坐咗一陣、又要求我轉入面細枱(話有孕婦不方便）、眼見佢俾咗張大枱啲熟客、為咗孕婦、我都算。轉左枱又冇幫我哋將D食物轉去新枱，直至我地追時（因為得90分鐘食，等咗多於30分鐘都未有）、侍應先至發現我哋啲食物俾咗人哋食，亦都冇打算話我聽、直到我追問果位侍應嘅時候、佢至話我啲嘢食俾咗人，佢唔單止冇道歉，仲問我哋取唔取消。當我話唔取消嘅時候，佢黑口黑面咁幫我哋落單！雖然食物唔錯，但係最終一肚氣出返嚟！各位食家，食物好味固然重要，但如果食到咁唔開心就奉勸大家要諗一諗。