ADD+ (Closed)

等候入坐：星期日，下午茶時段，明明還有四分一坐位，不讓人入坐，足足等了30分鐘，才安排入坐！坐位：尚算寬敞舒適，可看到海景，溫度也舒適，冷氣不會太凍，亦不會熱。點菜：舉手超過4、5次，多個侍應明明看見，個個點一下頭，說等等，便行開不理！仍是點菜：終於，一個像領班的人過來落單，我們點了炒河粉、海南雞飯、鮑魚雞粥和一杯咖啡，我們4個人，吃下午茶已算多，領班卻說：「三個咋噃，夠唔夠呀」，我話夠了，然後問佢攞幾杯水，佢問：「要sparkling還是still」，我諗一諗，話要普通水得喇，點知佢話：「我哋冇普通水」，咁我唯有點一支still water。然後，我發現其他顧客，都有普通水招呼，於是我問其他侍應要幾杯水，那位侍應就去倒水了。於是我叫那個領班取消still water嘅order，話已經要咗普通水，佢竟然話：「哦，嗰啲係boil water」，呢個領班真係不知所謂！食物：一粉一飯一粥一咖啡，500幾，味道一般，都係食環境，招呼又唔好，冇下次了！