有運燒味飯店 (Closed)

今日下午我們上環濟公廟還神，還神當然要買祭品，所以我們去咗廟附近嘅「有運燒味飯店」買燒腩仔！燒腩仔嘅皮燒得非常鬆脆香口，肉質相當鬆化軟滑，唔會有好多嘅脂肪，味道亦唔會好鹹！另外！值得一讚嘅係其中一位燒味師傅好似知道每位嚟買燒臘嘅都係去拜神，所以佢就會問我們燒腩仔你們想原條唔斬開，定係想斬開一件一件？而且語氣態度都幾有禮貌，真係值得一讚！