Bello Dining (Moved) New Location

首先等位等勁耐，太後悔冇放棄唔等。入到去三催四請先有人肯寫嘢落order，似係唔優做。首先請短頭髮侍應落order，佢表示唔得閒咁就叫左長頭髮馬尾侍應寫嘢，落單嘅過程，長頭髮馬尾嘅侍應全程黑面，語氣唔耐煩，極度冇禮貌，但係都落左單冇辦法。如果你經常要人調枱，就證明你間餐廳帶位安排有問題，小店唔係大晒。正因為你哋係小店，更加應該係服務態度取勝，但你哋偏偏服務態度最惡劣。嘢食部份，牛扒要七成熟，落刀切嗰下已經知賴嘢，鋸木咁切開，非常un。朋友碟意粉亦都係冇乜味道，但係價錢同出邊嘅西餐廳冇話平好多，何來好評嘅CP值高？？你哋之所以有生意係因為同區冇乜西餐廳小店，萬一隔離開多間，你哋真係唔做得住。