Video
Read full review
2017-06-20
7153 views
想搵間cafe做吓野，就試吓呢間喺我個list入面好耐嘅咖啡店。喺賣皮革及鈕等成衣配料嘅街頭上左兜右兜，終於嚟到。一踏入門口已經有兩把好親切嘅聲音同我講hello，雖然呢個係基本禮貌，但老實講喺香港好多嘅餐廳，啲店員係就係有同你講hello，不過成個樣都好似係被迫講咁樣。相反喺呢度聽到嘅hello係好真心，再加上佢哋嘅笑容，野都未飲，但已經有好感。雖然面積唔大，但四圍嘅裝飾物好特別，營造到一個好溫暖嘅感覺，好感度大幅提升！Mocha ($38)咖啡杯碟好靚，視覺效果已經贏晒。第一口偏苦，之後先甘甘哋，朱古力味唔係好濃，唔甜，不錯！一杯咖啡飲飲吓嘅時候，笑容滿臉嘅店員突然遞上一小杯好似苦茶嘅咖啡，係佢哋啱啱沖嘅瓜地馬拉咖啡，仲請啲客飲添，雖然我對咖啡麻麻，但呢個舉動實在非常窩心！乜都唔落嘅咖啡真係少飲，但呢個真係幾好飲喎，醇厚度豐滿，酸度偏低，值得再飲到差不多走嘅時候，店員再講多句，拜拜。我好少會重覆去一間餐廳，但呢度親切嘅待客態度，實在想令我一去再去
Mocha ($38)
咖啡杯碟好靚，視覺效果已經贏晒。第一口偏苦，之後先甘甘哋，朱古力味唔係好濃，唔甜，不錯！
mocha
$38
140 views
0 likes
0 comments
一杯咖啡
飲飲吓嘅時候，笑容滿臉嘅店員突然遞上一小杯好似苦茶嘅咖啡，係佢哋啱啱沖嘅瓜地馬拉咖啡，仲請啲客飲添，雖然我對咖啡麻麻，但呢個舉動實在非常窩心！乜都唔落嘅咖啡真係少飲，但呢個真係幾好飲喎，醇厚度豐滿，酸度偏低，值得再飲
一杯咖啡
91 views
0 likes
0 comments
到差不多走嘅時候，店員再講多句，拜拜。我好少會重覆去一間餐廳，但呢度親切嘅待客態度，實在想令我一去再去
Post
