辦館 (KC100) (Closed)

星期一同公司同事一齊去食晚餐，但由於唔想行咁遠又好肚餓，於是就喺公司附近搵咗一間睇落環境又唔錯，而且好似仲係新開嘅舖頭，逆境下新開，當然要去幫襯同試吓好唔好食先得。我哋去咗個餃子、和風溫泉蛋牛肉飯、黑松露蘑菇雞肉意粉同鹹牛肉芝士吐司。咁多款之外，我同同事都覺得和風溫泉蛋牛肉飯同黑松露蘑菇雞肉意粉比較好食。先講牛肉飯，牛味好濃，而且份量都唔錯，我個人鍾意將溫泉蛋撈埋啲飯一齊食，食落去好滑而且又可唔可以啖啖肉，真系好正😋而黑松露蘑菇雞肉意粉，一上到檯面，就聞到好香既黑松露味，而蘑菇方面同雞肉都好Juice好好食，唔會好鞋。有時啲意粉店點會將雞肉煮都好乾，但佢唔會。唔錯但係個鹹牛肉芝士吐司，個人覺得好似焗到過，食落去好硬，比較難咬，但係都食得出佢個芝士同埋個咸牛肉好香。如果佢焗嘅時間拿捏得好啲，應該出嚟嘅效果都幾好食既。佢哋仲有好多酒嘅選擇，但係同事唔飲酒，我都都哎到，就哎抹茶野飲，飲落去抹茶好濃，而且唔算甜，啱晒我唔鍾意飲咁甜嘅人，飲到最尾仲見到啲抹茶粉，真心唔錯。題外話：佢啲碟真係好靚，而且每一次食完一碟餸，佢都唔會再幫我哋換碟，真係幾窩心，而且唔怕share嘢食嗰時上一碟既餸汁溝埋下一