Video
Read full review
2005-12-15
32 views
啱啱星期日諗住揸架車同女朋友入西貢，見到雜誌介紹西貢有幾間出晒名既西餐廳，連明星都話好食，於是咪信哂佢，即管試一試。我地諗住喺五間介紹既西餐廳中搵到邊間先就食嗰，結果搵到蘇珊娜。當時大約六鐘半，人客不多，唔駛等位，鋪裡黑麻麻，唔係好有情調，側邊有條樓梯，應該係上樓上一層。之後，鋪裡面有四、五個人做野，之後佢地好唔願意咁俾左一個霉爛餐牌我地兩個人睇。呢度原來係無晚餐叫，得幾款大約百幾蚊既鐵板餐同一啲散叫既飯，於是我地叫左一個黑椒西冷牛扒餐同一個磨菇汁牛柳餐。叫野食時，幾個人楝係度，唔理人，之後有個長毛走埋黎，極差態度咁問我地叫乜，好似欠左佢咁，又唔問我地跟飯定薯菜、又唔問幾成熟等等，佢諗住我一定會自動自覺講佢知咁，我無講既就佢自己幫我地決定。等左一陣，先黎一個比較普通既羅宋湯同用搽定牛油既生命麵包作為餐飽，認真唔掂，餐飽都無個。之後，鐵板終於都出場，油煙味的好緊要，啲黑椒攻鼻渴喉，相當不濟。幸好西冷肉質幾好，口咁不錯，賣相亦幾好，牛柳則比較差，汁料亦非常少，未食完一半已經乾晒。最後上了餐飲及甜品，甜品為『雪糕新地』，想像是雪糕溝汽水或雜果，可笑結果是一杯比雜乜雪糕店更失敗的朱古力雪糕球一
當時大約六鐘半，人客不多，唔駛等位，鋪裡黑麻麻，唔係好有情調，側邊有條樓梯，應該係上樓上一層。之後，鋪裡面有四、五個人做野，之後佢地好唔願意咁俾左一個霉爛餐牌我地兩個人睇。呢度原來係無晚餐叫，得幾款大約百幾蚊既鐵板餐同一啲散叫既飯，於是我地叫左一個黑椒西冷牛扒餐同一個磨菇汁牛柳餐。叫野食時，幾個人楝係度，唔理人，之後有個長毛走埋黎，極差態度咁問我地叫乜，好似欠左佢咁，又唔問我地跟飯定薯菜、又唔問幾成熟等等，佢諗住我一定會自動自覺講佢知咁，我無講既就佢自己幫我地決定。等左一陣，先黎一個比較普通既羅宋湯同用搽定牛油既生命麵包作為餐飽，認真唔掂，餐飽都無個。之後，鐵板終於都出場，油煙味的好緊要，啲黑椒攻鼻渴喉，相當不濟。幸好西冷肉質幾好，口咁不錯，賣相亦幾好，牛柳則比較差，汁料亦非常少，未食完一半已經乾晒。最後上了餐飲及甜品，甜品為『雪糕新地』，想像是雪糕溝汽水或雜果，可笑結果是一杯比雜乜雪糕店更失敗的朱古力雪糕球一個！
用餐時間不足一小時，已經想離開，叫了埋單，他們在遠處大叫金額及隨手提走我的信用咭，眼見一個全晚在行行企企，做野跌野既四眼女人碌左五分鐘仍未碌到張單出來，隨即拎了一支沒有墨的紅筆給我簽名，當她知道支筆無墨時，居然走去自己的手袋裡尋找另一支筆給我，十分野笑。突然間那長毛走過黎，不滿地從袋拎支筆給我，還將我的信用咭連收據掉在枱上，多謝一句也沒講，咁樣既服務態度真係呢度先至有，以咁既服務質素能夠經營三十年，真的值得讚賞. . . 囉！！
Post