Video
Read full review
2010-03-29
1 views
餐廳特色就係服務態度差。試過一次響太子食都好好，牛肉源源不絕，個碟一空就即刻有人收走，重好好態度咁問多句：請問要唔要多碟？所以印象都好，話過下次會再黎食過。但第二次貪方便同朋友響觀塘食，就即刻跌落地獄！服務態度真係好差！簡緊火鍋湯底時，侍應一直企響我地枱附近。好，我當你招呼周到。簡好火鍋湯底後，同朋友一邊傾計一邊食野，當然有講有笑。侍應亦企響我地枱附近，我地講笑佢全部聽到晒，竟然陰陰嘴笑-_- 我應該話我地對話搞笑定係佢偷聽我地講野好呢？湯底黎到，香噴噴，自己加入配料令湯底更鮮甜。第一碟牛肉好靚架，肥瘦均等，牛味濃。食完第一碟後第二碟就天同地比。ｄ牛肉好似瘦肉乾咁，又硬又乾，一ｄ白色既油脂都搵唔到。入口勁鞋，即時冇晒胃口。配料還可以，反而係牛丸好過佢第二碟牛肉.......係咪搵緊我笨？ｄ芝士腸好怪，唔似芝士腸味，都唔知咩腸黎。過後，最後１５分鐘時提醒我地要埋單，枱上重有成碟’鞋牛’，即刻倒晒落鍋。又過左陣，就有人黎要求埋單，當我朋友手中重食緊粒牛丸時，已經有人執枱，張ｄ碗筷倒晒落鍋中。所謂既執枱即係趕客走。我朋友極唔滿意佢既服務態度，明明重食緊野都唔理客人感受，正頭係唔尊重。呢餐真係
試過一次響太子食都好好，牛肉源源不絕，個碟一空就即刻有人收走，重好好態度咁問多句：請問要唔要多碟？所以印象都好，話過下次會再黎食過。
但第二次貪方便同朋友響觀塘食，就即刻跌落地獄！服務態度真係好差！
簡緊火鍋湯底時，侍應一直企響我地枱附近。好，我當你招呼周到。
簡好火鍋湯底後，同朋友一邊傾計一邊食野，當然有講有笑。侍應亦企響我地枱附近，我地講笑佢全部聽到晒，竟然陰陰嘴笑-_- 我應該話我地對話搞笑定係佢偷聽我地講野好呢？
湯底黎到，香噴噴，自己加入配料令湯底更鮮甜。第一碟牛肉好靚架，肥瘦均等，牛味濃。食完第一碟後第二碟就天同地比。
ｄ牛肉好似瘦肉乾咁，又硬又乾，一ｄ白色既油脂都搵唔到。入口勁鞋，即時冇晒胃口。
配料還可以，反而係牛丸好過佢第二碟牛肉.......係咪搵緊我笨？ｄ芝士腸好怪，唔似芝士腸味，都唔知咩腸黎。
過後，最後１５分鐘時提醒我地要埋單，枱上重有成碟’鞋牛’，即刻倒晒落鍋。
又過左陣，就有人黎要求埋單，當我朋友手中重食緊粒牛丸時，已經有人執枱，張ｄ碗筷倒晒落鍋中。所謂既執枱即係趕客走。我朋友極唔滿意佢既服務態度，明明重食緊野都唔理客人感受，正頭係唔尊重。
呢餐真係食到好唔開心，我朋友話過以後唔幫襯牛陣。
Post