Video
Read full review
2006-06-18
18 views
繼上次"一番之役"後,今次同男友打算叫定田中外賣,然後自取,但係打極電話都打唔通,我地放棄左打電話,直接去到叫寫外賣,點知個客問侍應要等幾耐,佢話要等45分鐘........o下!!?最少??我相信佢係香港少數(或者唯一)敢叫個客等45分鐘,而果位客人其實已經等左半個鐘有多..我同男友簡直覺得有條閃電從天而降,我有錢你地都賺唔到呀真係...於是放棄咁既田中,轉而食對面馬路既,坦白講,佢地d皇牌套餐配搭麻麻地、怪怪地。我地點左H同J餐,即係:H:免治三文魚腩魚生飯蟹籽沙律炸餃子J:雜錦魚生飯雜錦刺身沙律炸豆腐我地一打開外賣盒,嘩左一聲,四盒其實無乜分別,件件都差唔多樣。而我見到蟹子沙律入面既青瓜游緊水添---D沙律醬好"水"下,仲倒瀉左出個盒,我大脾食左第一啖"水咁咁"既沙律醬。相比起一番既蟹子沙律,肯定係一番好食好多。其他三樣我都唔講喇,味道差唔多,賣相差唔多,唯一差別係一盒多左2條蝦,一盒無,碎魚生都唔少,無呃人,不過我本身唔鍾意食生野,無點特別留意。而佢地提供既鼓油,我相信係普通鼓油,從味道,從嗅覺判斷囉。不過我好明白佢既重要性,因為D飯幾乾下,唔加真係食唔落,而WASABI都好重
H:
免治三文魚腩魚生飯
蟹籽沙律
炸餃子
J:
雜錦魚生飯
雜錦刺身沙律
炸豆腐
我地一打開外賣盒,嘩左一聲,四盒其實無乜分別,件件都差唔多樣。而我見到蟹子沙律入面既青瓜游緊水添---D沙律醬好"水"下,仲倒瀉左出個盒,我大脾食左第一啖"水咁咁"既沙律醬。相比起一番既蟹子沙律,肯定係一番好食好多。其他三樣我都唔講喇,味道差唔多,賣相差唔多,唯一差別係一盒多左2條蝦,一盒無,碎魚生都唔少,無呃人,不過我本身唔鍾意食生野,無點特別留意。而佢地提供既鼓油,我相信係普通鼓油,從味道,從嗅覺判斷囉。不過我好明白佢既重要性,因為D飯幾乾下,唔加真係食唔落,而WASABI都好重要,又係果句,唔加的話個飯幾失色。全晚最好味都相信係隻餃子,不過只有2隻。炸豆腐軟叭叭,根本唔覺得有炸,麵鼓湯稀而淡,扣分。至於我地ORDER既凍檸檬茶,真係好難飲,怪味。我係睇左哩間店既食評先去幫襯,點知食物麻麻囉。
哇一讚既係服務幾好,客人無拎齊野走,佢有人追出黎俾返客人,找錢收錢ORDER都有禮貌,加返分啦。
Anyway,希望嘩鬼越做越好啦,有時真係睇唔過眼果d鋪出面成幾十人但係無服務既鋪,我叫得做劉華真係要贈你地一句:今時今日既服務態度,點得架?
如果服務唔好,就算幾好食都係假呀!香港人,清醒d啦.
Post
