南北小廚 (Closed)

同朋友一行 6 人嚟晚餐，朋友早一晚訂檯佢哋話無得訂，我 6:30 前到問我有無訂位，我話你哋話無得訂，佢話唔係無得訂，係滿咗，咁我嬲嬲地就話你哋係滿咗就話比人知，唔係話無得訂，咁我哋可以去第二間訂位，跟住佢哋又張兩張方檯泊埋比我，咁即係有位啦…坐底第一件事梗係留隻雞啦，$71 一隻唔係唔留呀 😅😅 隻雞好滑好好味，竟然比我哋清碟。個酸辣湯就唔掂啦，唔酸唔辣咁，問佢攞支醋，點知飲晒都未到。酸菜魚有驚喜，啲湯仲好飲過酸辣湯，我飲咗 3 碗仔呀 😆😋素鴨入面無料，寡咗啲，豆腐就又比到驚喜我哋。另外香橙骨同梅菜蒸茄子係套餐，仲要漏咗單，味道一般。6個人埋單 $470，總括嚟講朋友都滿意嘅，仲話下次嚟食多次。