Burger Kitchen (Closed)

大埔八號花園美食多，小小小區已有多間不停回頭的食肆，今次吃的burger kitchen 已是第二次回顧，不過今次有少少不高興。星期日陽光普照，到大埔閒逛，特地到了burger kitchen 食漢堡包因為上次食過好好食。今次柯打了兩個A餐，其中一個餐轉薯角（加5蚊），不過薯角上枱燶過太陽曬燶，是因爲少人柯打所以炸過龍？對比下薯條正常很多。不過正值午餐所以就不要求更換了。店家出餐時都可以看看食物質素才可放心給客人食用，亦可了解客人收倒時的感受。相比漢堡就正常很多，不過漢堡扒有點實，不夠juicy，但配上新鮮沙律菜及酸瓜咬落很開胃。另外都希望當值店員可以能到客人附近落單，我們兩次落單（先點主食後點餐飲），當日店員都嗌出黎問你要咩，亦要我們嗌出我地想要點咩，想點杯咖啡更話不如你睇下餐牌我地有好多種咖啡。雖然店面小小，不過都希望店員可以理解客人想問下餐牌內容亦不想打擾其他食客用膳呢。希望下次光顧可以見到改善吧。