Video
Read full review
2010-11-15
88 views
住左藍田成三十年，官塘是自少到大經常出沒活動的地方﹗有好野食無理由我發現唔到，點知今晚老友記就帶左我去試間好野﹗地點在瑞和街街市行前少少，叫做雲南風味餐廳﹗老友話自己經常同朋友來開餐，貪佢好味又抵食﹗咁好介紹我梗係咩都試下﹗睇睇餐牌，碟碟都係三十幾四十蚊有交易，食個水餃十隻都係廿皮，超抵﹗店子少少，木枱圓凳，簡簡單單的小店家庭式格局。老友是熟客，老闆娘一見佢就熱情招待，細問之下原來老闆在官塘仲有另一間麵店，有機會也可去幫趁下﹗咪講咁多，先來支獅威飲下先﹗先來一碟從未食過既菜式，虎皮椒炒舞茸菌虎皮椒非常有，未吃已聞到菌香甚濃，第一次吃舞茸菌。入口是一陣鮮菌濃香，嚼後口內回甘不已，久久不散，調味下得不重，盡是清新自然的菌香，微辣，值得一試﹗老闆娘話如果來岩季節，一定要試試出面好難找到的虎掌菌，老闆每月親自到大陸買回新鮮食料，未必可在其他地方找得到﹗麻辣雞翼，十八蚊有四隻，賣相吸引﹗雞皮連肉退至雞翼上方成雞鎚狀，易食又方便﹗炸得香脆，麻辣味適中，細嚼下惹味過癮，佐啤酒的勝物﹗牛乾巴，我又是第一次見第一次吃的﹗原來牛乾巴有如我地既金華火腿，是雲南獨特食物。由於易於收藏及攜帶，在雲南很普遍，經炸
有好野食無理由我發現唔到，點知今晚老友記就帶左我去試間好野﹗
地點在瑞和街街市行前少少，叫做雲南風味餐廳﹗
老友話自己經常同朋友來開餐，貪佢好味又抵食﹗咁好介紹我梗係咩都試下﹗
睇睇餐牌，碟碟都係三十幾四十蚊有交易，食個水餃十隻都係廿皮，超抵﹗
店子少少，木枱圓凳，簡簡單單的小店家庭式格局。
老友是熟客，老闆娘一見佢就熱情招待，細問之下原來老闆在官塘仲有另一間麵店，有機會也可去幫趁下﹗
咪講咁多，先來支獅威飲下先﹗
先來一碟從未食過既菜式，虎皮椒炒舞茸菌
虎皮椒非常有，未吃已聞到菌香甚濃，第一次吃舞茸菌。
入口是一陣鮮菌濃香，嚼後口內回甘不已，久久不散，調味下得不重，盡是清新自然的菌香，微辣，值得一試﹗
老闆娘話如果來岩季節，一定要試試出面好難找到的虎掌菌，老闆每月親自到大陸買回新鮮食料，未必可在其他地方找得到﹗
麻辣雞翼，十八蚊有四隻，賣相吸引﹗
雞皮連肉退至雞翼上方成雞鎚狀，易食又方便﹗
炸得香脆，麻辣味適中，細嚼下惹味過癮，佐啤酒的勝物﹗
牛乾巴，我又是第一次見第一次吃的﹗
原來牛乾巴有如我地既金華火腿，是雲南獨特食物。
由於易於收藏及攜帶，在雲南很普遍，經炸後硬硬脆脆的，入口乾身，微辣，帶超濃烈的臘肉牛羶香，老闆娘話有來過的都必吃一碟用來送酒，我地當然卻之不恭﹗
真係唔錯，愛牛又愛味濃的可以一試﹗如有紅酒我覺得會更妙﹗
韭菜水餃，自家包的﹗
老闆娘話做水餃最緊要個皮做得好﹗
而家坊間好多水餃皮已經是旦到同雲吞皮毫無分別，呢家入貨的有其堅持，老闆娘話餃皮做得唔好寧願唔賣﹗
餃皮相當煙韌有嚼勁，餡亦夠肉汁，韭菜味濃亦夠豬肉甜香﹗好味啊﹗
蒜泥白肉
，沒有不叫的理由吧﹗
蒜汁香濃，醬汁帶醋酸亦有甜香，賣相雖然麻麻地卻勝在夠味，豬肉半肥瘦，吃落滿口脂香，老友大讚做得不錯﹗
吃吃喝喝，最後一味老闆娘介紹麻辣雞
鋼鍋上枱保持熱溫﹗
嗜辣的朋友有福了，這香辣雞大麻大辣，我只吃了一件已投降﹗
老闆娘講到明而家出面0的麻辣料用加工的味精料作底，佢地堅持每月到內地採購，將新鮮花椒買回香港自家磨成粉末，再乾炒出真香，吃得自然亦健康﹗
所以佢地既麻辣食物如水煮同這味麻辣雞，都鮮香出眾，雞當然只是雪藏口味，但可欣賞的是佢個汁底真係辣到出哂汁，後勁仲相當強，愈食愈辣，我諗真係得老友可以清得哂佢，我真係唔多得﹗
最後飲左成五六支大啤，埋單都只係$250，相當超值﹗食家愛辣，一於下星期再帶埋佢來試下先﹗
更多相:
http://hk.myblog.yahoo.com/smallsmalllin/article?mid=22524
Post
