PHO 24 (Closed)

到達時晚飯時間，但唔使等位，心中都覺得奇怪，8點鐘食飯時間竟然唔使等位，入到去坐低就知甚麼事。我同女朋友兩位，入到去很多吉位，但侍應安排了路口位，我們要求可唔可以調到旁邊的二人檯，個侍應極冇禮貌地一口拒絕說：「唔得，有人訂左」，我好想問佢個客係唔係指定book個張檯，女朋友話算數，咁就坐低睇menu。揀左個生牛肉河、雜錦牛肉河、春卷、燒羊鞍，落單時另一個侍應亦都好掘地說：「羊鞍等半個鐘喎。」 佢嘅語氣我覺得自己去左茶餐廳，等半個鐘咁我地唔要羊鞍。到食物來到後，食一啖發覺味道啖不在話下，牛肉真係可以冇牛味，好似咬緊毛巾咁，湯底得顏色，冇味道。雞絲湯河同樣啖口，再加白雪雪，個湯清到好似清水加雞粉煮成咁，仲死過大家樂D下午茶即食麵。春卷脆，但成口油，春卷皮厚過豬肉餡。一句講晒，呢間野俾你「越棧」嘅食物質素，但收你海港城「芽莊」既價錢，差差差一定冇下次。