Video
Read full review
2014-06-05
1137 views
本身帶住興奮嘅心情去pizza express食個lunch，冇諗過原來連鎖「高級」西餐廳嘅服務質素可以咁差，原來食個lunch可以咁嬲。一去到門口，原來要排隊入場，而唔係攞飛。排左15分鐘後，終於輪到我地了，侍應姐姐話我地6位冇book位要等到13:45先有位(那時12:45)，聽到嚇左一跳，要等超過一粒鐘先有位，唔係下嘛？！之後我地答分開坐啦咁，侍應姐姐竟然聽到我地話分開坐後走到隊尾問有冇兩pairs兩位。吓！我地嚟先，點解會畀後面d人先，都話左我地肯分開坐咯！侍應姐姐敷衍我地話：「等我安排下先」。當時好嬲，我地排左咁耐先黎講d咁既說話？好彩佢帶完後面嗰兩pairs兩位後返轉頭帶我地三pairs兩位入去。入到去餐廳裡面，見到有連住4張吉檯(2人檯)，不過中間有一張個客走左但未執檯，我地有一pair想坐落去，侍應姐姐唔畀坐，話未執，所以唔坐得，逼我地幾張檯分開好遠坐。我心諗，既然未執檯，咁你點解唔執左佢，等我地幾個好朋友唔洗分得咁開呢，你遲早都要執架啦？咁算啦，坐低叫野食，叫個侍應哥哥落單，佢話轉頭搵同事幫我地，點知佢轉頭就唔記得左，等左勁耐都冇人黎幫我地落單(到此刻，嗰張2人檯仲未
一去到門口，原來要排隊入場，而唔係攞飛。排左15分鐘後，終於輪到我地了，侍應姐姐話我地6位冇book位要等到13:45先有位(那時12:45)，聽到嚇左一跳，要等超過一粒鐘先有位，唔係下嘛？！之後我地答分開坐啦咁，侍應姐姐竟然聽到我地話分開坐後走到隊尾問有冇兩pairs兩位。吓！我地嚟先，點解會畀後面d人先，都話左我地肯分開坐咯！侍應姐姐敷衍我地話：「等我安排下先」。當時好嬲，我地排左咁耐先黎講d咁既說話？好彩佢帶完後面嗰兩pairs兩位後返轉頭帶我地三pairs兩位入去。
入到去餐廳裡面，見到有連住4張吉檯(2人檯)，不過中間有一張個客走左但未執檯，我地有一pair想坐落去，侍應姐姐唔畀坐，話未執，所以唔坐得，逼我地幾張檯分開好遠坐。我心諗，既然未執檯，咁你點解唔執左佢，等我地幾個好朋友唔洗分得咁開呢，你遲早都要執架啦？
咁算啦，坐低叫野食，叫個侍應哥哥落單，佢話轉頭搵同事幫我地，點知佢轉頭就唔記得左，等左勁耐都冇人黎幫我地落單(到此刻，嗰張2人檯仲未有人去執檯)。同時，我見到遠處有張大檯已經走左。
落單後，竟然等左成半個鐘先上第一個餐。份量好少，都唔知有冇30條。唔夠熱，都唔知廚房做起幾耐先拎出黎。又冇芝士味既，少少grated parmesan都唔落d，好失望。一d新鮮感都冇，自己屋企都煮到呢個味道啦！
見朋友個餐咁耐都未到，就追下單。該餐廳職員解釋因為今日落雨，廚房好忙。吓！唔好玩啦，你間餐廳仲有好多吉檯未執喎，你個廚房露天架，落雨煮唔到野食？都等左咁耐，唯有繼續等。我差唔多食完(13:45，即係距離落單時間45分鐘)，朋友的pizza餐才上到，咁遲先到，唯有食快d。呢個時候，我見到張大檯到依家都仲未人有坐，換句話講，張大檯已經空置左45分鐘。最後我地14:00離開，張大檯依然空罝，我好想知點解一早唔安排我地坐嗰張大檯呢？
呢一餐真係食到成肚氣！
Post
