HABITŪ caffè (The ONE) (Closed)

平日未夠五點嚟到呢度想飲杯嘢食少少嘢食，入到去企喺大約門口附近嘅位置見到有幾檯空位但係啲杯碟都未執，咁我哋兩個人都唔知坐邊因為都要等佢執咗啲杯碟先可以坐，咁我哋就企喺度等服務員去話畀我聽應該坐邊度。見到啲服務員好似好忙冇人得閒執嘢，其中一個女侍應(冇戴眼鏡身材比較豐滿)曾經經過我哋前面三次，但係一眼都冇望我哋就更加冇問我哋有咩需要或者有咩可以幫到手，完全唔想做生意嘅感覺，黑口黑面。既然係咁我哋就即刻離開。之後去咗隔離美麗華商場下面嘅另一間HABITU，嗰邊嘅男侍應服務超好，非常有禮貌，食得非常開心，大家有得揀嘅唔好嚟呢一間。