添好運點心專門店 (Closed)

聽聞有新老闆入股, 奉勸一句, 食物要改善外, 必須整頓服務水平。我是添好運的支持者, 食了多年,常常去將軍澳店, 無異近年水準下滑, 但總算還可以。周六我和家人去了一次, 义燒包又凍又淋、豬潤腸過熟、蝦餃無汁乾淨淨、燒賣好似越來越細粒, 近日他們才加價, 豈料食物又差了。不過, 最難頂是服務態度,侍應黑口黑面唔在講, 叫極沖茶無人理、 追單更加黑上加黑。我見侍應得閒就高談闊論,打情罵俏, 連部長經理亦都如此。我更見過他們對長者粗聲粗氣, 毫無尊重, 我以為回到20年前的廣州茶樓。將軍澳店的環境亦越來越差, 冷氣不夠天花滴水已是常態,衛生情況亦不理想。我奉勸新老闆要想清楚, 亦必須改革服務質素, 否則名店也難逃沒落。