Gontran Cherrier (Restaurant) (Closed)

12月頭同倆個朋友經過K11 Musea 呢間麵包店朋友想買麵包，雖然長龍都入去揀咗兩大盆。排到時，朋友問：「請問可唔可以分⋯ 」未講完，企係收銀機出面（收銀機後面都企咗幾位收銀小姐）貌似主管的一位小姐已粗聲粗氣打斷：「等等，數咗先」。 朋友想解釋一句，已被厲聲呼喝「都話數咗先洛」！等佢數完，朋友話：「想咁分開裝⋯」個位小姐以凌厲嘅眼神 +極唔耐煩嘅語氣「呢個呢個一袋⋯呢個呢個咁⋯仲有冇？」。但講錯，糾正佢，佢便以雙倍唔耐煩嘅表情及動作快速裝袋，送客！朋友共消費咗近二百蚊。但整個買麪包嘅體驗好似等人施捨又阻人發達咁。朋友雖然係間中型公司老闆，但斯文隨和。當其時無直斥其非，費事吵。但覺得好 sad, 為香港嘅服務行業感到悲哀。尤其是啱啱由日本返來，落差更大！希望只係米缸裏的一粒老鼠屎。