九號飯堂

Open Now

Now Closed

係公司隔離試下佢個早餐，外賣一份蛋牛治。等左10分鐘唔係好對路就問下店員仲要等幾耐 一句埋來話"今日爆單，唔知等幾耐" 算啦 唔算好趕等多一陣。 5分鐘後有個紙袋出左餐 諗住係我嘅，點知佢又放埋一邊，問佢"係咪有啦" 佢又話要等多一陣。跟住個女店員對住個電話爆哂粗話 無人翻工，比哂啲蘇州屎佢。枱枱客都望實哂佢。落左單半個鐘我同個店員提出退錢 佢先攞翻10分鐘前嗰個紙袋話係我個餐。最後係淋哂同凍哂嘅。完全唔知呢間嘢係咪做生意。