Made in HK Restaurant (Closed)

今日嚟到旺角朗豪坊食嘢，行咗陣街，見到一間新開張無耐，裝修非常之有特色嘅香港茶餐廳，啲名仲係寫住香港製造，我哋就急不及待入去試吓啦。餐廳採用左開放式嘅設計，喺商場入邊經過，會見到食客進餐嘅情況，我哋仲見到有流心西多士嘅poster，店員都好熱情咁招呼我哋，等我哋試一試啦！叫咗個奶黃流心西多士，炸粉都幾好，用刀切開，都有流心效果，食落去戀戀地，奶黃嘅甜味，同埋塊西多士小小嘅鹹味，配合得幾好。叫咗個話梅將豬欄骨，都好大份，兩個人食差啲食唔晒，肉質都算元年，容易切開，食落食到淡淡的話梅味，酸酸甜甜幾開胃。最後叫咗個鴛鴦焗飯，賣相非常之靚，一邊係忌廉蘑菇汁，令一邊就係番茄豬扒汁，兩邊都幾好食，個飯一啲都唔退，加咗隻蛋落去炒，粒粒分明，更加香。